ვალთერ ფონ ბრაუხიჩი:

ვალთერ ფონ ბრაუხიჩი

Article in other languages:

ვალთერ ფონ ბრაუხიჩი

ვალთერ ფონ ბრაუხიჩი (გერმ.: Walther von Brauchitsch) (დ. 4 ოქტომბერი 1881, ბერლინი — გ. 18 ოქტომბერი 1948, ჰამბურგი) - გერმანელი სამხედრო მოღვაწე, «ვერმახტის» გენერალ-ფელდმარშალი და არმიის მთავარსარდალი 1938-1941, გენერალ ბერნჰარდ ფონ ბრაუხიჩის შვილი და მოტომრბოლელ მანფრედ ფონ ბრაუხიჩის ბიძა.

ბიოგრაფია

1881 : 4 ოქტომბერი - გენერალ ბერნჰარდ ფონ ბრაუხიჩსა და მის მეუღლეს შარლოტე გორდონს შეეძინათ ვაჟი ვალთერი.
1900 : კადეტთა სასწავლებლის დამთავრების შემდეგ ბრაუხიჩი პრუსიის არმიის გვარდიულ გრენადერთა პოლკის ლეიტენანტად დაინიშნა.
1910 : იქორწინა ელის ფონ კარშტეტზე (გერმ.: Elis von Karstedt)
1912 : გადაიყვანეს დიდ გენერალურ შტაბში სამუსაოდ.
1914-1918 : პირველი მსოფლიო ომის დროს სხვადასხვა სახის ჯარებში გენშტაბის ოფიცრად მსახურობდა.
1921 : ბრაუხიჩმა მაიორის ჩინით სამსახური დაიწყო ახლად შექმნილ «რაიხსვერში».
1927 : დაინიშნა VI სამხედრო ოლქის შტაბის შეფად.
1928 : მიენიჭა პოლკოვნიკის სამხედრო წოდება.
1929 : გადაყვანილ იქნა რაიხსვერის სამინისტროს სახმელეთო ჯარების საწვრთნელი განყოფილების უფროსის თანამდებობაზე.
1931 : იმოგზაურა საბჭოთა კავშირში, სადაც მან ხელი შეუწყო რაიხსვერისა და წითელი არმიის თანამშრომლობას.
1933 : დაინიშნა I სამხედრო ოლქის (აღმ. პრუსია) მთავარსარდლად.
1936 : მიენიჭა გენერლის სამხედრო წოოდება.
1937 : ბრაუხიჩი დაინიშნა «ჰეერის» მოტორიზირებული შენაერთების მთავარსარდლად.
1938 : ფრიჩ-ბლომბერგის სკანდალის და ვერნერ ბარონ ფონ ფრიჩის გადაყენების შემდეგ იგი «ჰეერის» მთავარსარდალი გახდა. ამავე პერიოდში მან მიიღო დიდი ფინანსური დახმარება ფიურერისაგან და გაეყარა ცოლს.

ბრაუხიჩმა იქორწინა შარლოტე შმიტზე (გერმ.: Charlotte Schmidt).

სუდეტების კრიზისის დროს იგი იზიარებდა გენერალ ლუდვიგ ბეკის სამხედრო პოზიციას, თუმც აშკარად ფიურერის ოპოზიციაში დადგომა ვერ შეძლო.

1939-1941 : მეორე მსოფლიო ომში იგი ხელმძღვანელობდა «ჰეერის» ოპერაციებს პოლონეთში, საფრანგეთში და საბჭოთა კავშირში. მისი სტრატეგიული გადაწყვეტილებები ხშირად აწყდებოდა ჰიტლერის სურვილს, რის გამოც მან არაერთხელ დაწერა განცხადება გადადგომის თაობაზე, რაზეც ყოველთვის უარი მიიღო. მიუხედავად აზრთა სხვაობისა ბრაუხიჩი «ვიდერშტანდს» არ შეერთებია.
1940 : მიენიჭა გენერალ-ფელდმარშლის სამხედრო წოდება.
1941 : დეკემბერი: სსრკ-ზე წარუმატებელი ბლიცკრიგის მიზეზად ჰიტლერმა ბრაუხიჩი დაასახელა და ეს უკანასკნელი «ჰეერის» მთავარსარდლობიდან გადააყენა. მისი ადგილი თვითონ ჰიტლერმა დაიკავა.
1944 : 1944 წლის 20 ივლისის პუტჩი ბრაუხიჩმა სახალხოდ დაგმო, თუმცა სემდგომში ზოგიერთ ბრალდებულს უშუამდგომლა ჰიტლერთან.
1945-1946 : იგი მოწმედ იყო ნიურნბერგის პროცესზე
1948 : 18 ოქტომბერი - ბრაუხიჩი ქ. ჰამბურგში ბრიტანელთა ტყვეობაში გარდაიცვალა.

ვერმახტის გენერალ-ფელდმარშლები

ბლომბერგი · გერინგი · ბრაუხიჩი · კესელრინგი · კაიტელი · კლუგე · ლეები · ბოკი · ლისტი · ვიცლებენი · რაიხენაუ · მილხი · შპერლე · რუნდშტეტი · ბიომ-ერმოლი · რომელი · კიულხერი · მანშტაინი · პაულუსი · კლაისტი · ვაიქსი · ბუში · რიხტჰოფენი · მოდელი · შიორნერი · გრაიმი

სტატიაში გამოყენებულია "Deutsches Historisches Museum"-ის მასალები.

მოძიებულია "http://ka.wikipedia.org/wiki/%E1%83%95%E1%83%90%E1%83%9A%E1%83%97%E1%83%94%E1%83%A0_%E1%83%A4%E1%83%9D%E1%83%9C_%E1%83%91%E1%83%A0%E1%83%90%E1%83%A3%E1%83%AE%E1%83%98%E1%83%A9%E1%83%98"-დან

კატეგორია: გერმანელები | გერმანელი სამხედრო მოღვაწეები | დაბადებული 1881 | გარდაცვლილი 1948

Questions for article:

This article is from Wikipedia. All text is available under the terms of the GNU Free Documentation License.